चोरो बोरो माते हावै होरी
ये दे चोरो बोरो माते हावै होरी
ए गोरी वो चोरो बोरो माते हावै होरी
टुरी मन ला धर धर के टुरा मन रंगत हे
टुरी मन ला धर धर के टुरा मन रंगत हे
डोकरा डोकरा संग करे जोरा जोरी
चोरो बोरो
चोरो बोरो माते हावै होरी
ए गोरी वो चोरो बोरो माते हावै होरी
चरचर चरचर चारो कोती
चलत हावै पिचकारी वो
हरियर पिउरा लालीच लाली
अबीर उड़े बर भारी वो
गोलवा गोलवा गाल म गुलाल ल मलत हे
गोलवा गोलवा गाल म गुलाल ल मलत हे
गोरिया सुरतिया म डारे रंग कारी
चोरो बोरो
चोरो बोरो माते हावै होरी
ए गोरी वो चोरो बोरो माते हावै होरी
कोनो बने हे राधा रानी
कोनो बने नंद लाला वो
कोनो हा नाचे गोपियन बन के
कोनो बने हे ग्वाला वो
अरे आज वृदावन कस गांव मोर लगत हे
आज वृदावन कस गांव मोर लगत हे
बाजे नंगारा अउ नाचे देदे ताली
चोरो बोरो
चोरो बोरो माते हावै होरी
ए गोरी वो चोरो बोरो माते हावै होरी
चढ़गे सब ला फागुन निशा
माते हावै मतवाला वो
झूमर झूमर के गाए फागुनवा
प्रेम पिरित हे निराला वो
अरे तरी उपर तरी उपर झपाए परत हे
तरी उपर तरी उपर झपाए परत हे
सिरतोन कहत हंव नोहे वो लबारी
चोरो बोरो
चोरो बोरो माते हावै होरी
ए गोरी वो चोरो बोरो माते हावै होरी
टुरी मन ला धर धर के टुरा मन रंगत हे
टुरी मन ला धर धर के टुरा मन रंगत हे
डोकरा डोकरा संग करे जोरा जोरी
चोरो बोरो
चोरो बोरो माते हावै होरी
ए गोरी वो चोरो बोरो माते हावै होरी
✍ लेखक: दुकालू यादव
🎤 प्रस्तुतकर्ता: KK CASSETTE
