काली कंकालिन वो परत हौ तोरे पईया
या देवी सर्वभूतेषु कालीरूपेण संस्थिता
नमस्तयै नमस्तयै नमस्तयै नमो नमः।।
स्थायी
काली कंकालिन वो परत हौ तोरे पईया
हे अजब बिराजे कलकत्ता मा वो
काली काली
काली कंकालिन वो परत हौ तोरे पईया
अंतरा 1
हे मुड़ी मुड़ी के मैया माला ओरमाये
हे खाड़ा खप्पर तोरे हाथ मा सुहाये
हे हाथ मा सुहाये ओ मैया हाथ मा सुहाये
लाल बरन लामे जिभिया हो
काली कंकालिन वो परत हौ तोरे पईया
अंतरा 2
हे कटकट कटकट कटकट दांत ला तै कटरे
हे बही भूतही कस तोरे चुंदी हर बगरे
ये दे चुंदी हर बगरे ओ मैया चुंदी हर बगरे
हे कारी कारी हावै तोर सुरतिया हो
काली कंकालिन वो परत हौ तोरे पईया
अंतरा 3
कारी के पोलखा पहिरे कारी के लुगरा
हे कारी के आंखी में आंजे मैया तै हा कजरा
हे आंजे तै हा कजरा हो मैया आंजे तै हा कजरा
हे देखे अईसन रूप तोरे दुनिया हा ओ
काली काली
काली कंकालिन वो परत हौ तोरे पईया
अंतरा 4
हे रूप बनाये अईसन भारी भयंकर
हे चरनन मा लोटे तोर भोले शिव शंकर
हे भोले शिव शंकर मैया भोले शिव शंकर
हे जस ला सुनाये कोसरिया हो
काली काली
काली कंकालिन वो परत हौ तोरे पईया
अजब बिराजे कलकत्ता मा वो
काली काली
काली कंकालिन वो परत हौ तोरे पईया
काली कंकालिन वो परत हौ तोरे पईया
हे काली कंकालिन वो परत हौ तोरे पईया
काली कंकालिन वो परत हौ तोरे पईया
✍ लेखक: ओपी देवांगन
🎤 प्रस्तुतकर्ता: 360INDIA
