सुन ले मोर गोहार महामाई

सदा भवानी दाहिनी सन्मुख रहे गणेश।

पांच देव मिल रक्षा करे ब्रम्हा विष्णु महेश।।

सुन ले मोर गोहार महामाई  सुन ले मोर गोहार

यहो हे जगजननी ओ

हे जगजननी बुद्धि देदे  गावव मति अनुसार

सुन ले मोर गोहार महामाई  सुन ले मोर गोहार

यहो बंदन बंदव माता चंडिका  अउ बमलाई महतारी

संबलपुर समलाई ला बंदौ  रइपुर के बंजारी

यहो सब के बिगड़े

सब के बिगड़े काम बनाए  लेके पारो भार

सुन ले मोर गोहार महामाई  सुन ले मोर गोहार

यहो बंदन बंदौ ठाकुर देवता  तोर लंगुरवा भाई

कोनो किसम अलहन झन आवै  लागे मोर दुहाई

यहो लईका समझ के ओ

लईका समझ के पाठ दबाबे  देके अपन दुलार

सुन ले मोर गोहार महामाई  सुन ले मोर गोहार

यहो आस पुराबे बूढ़ी माई  दंतेश्वरी भवानी

तोर डेहरी ले खाली कोनो  जावै नहीं परानी

यहो सब ला दिए तैं ओ

सब ला दिए तैं अपन दया ले  अन्न धन के भंडार

सुन ले मोर गोहार महामाई  सुन ले मोर गोहार

यहो तोर भरोषा मोला हे माता  छोड़ चरण कहां जावव

अतरी रार पुरादे प्रेम के  महिमा जस तोरे गावव

यहो सुमर सुमर के ओ

सुमर सुमर के झूमर झूमर के  मैं हर तीनो जुआर

सुन ले मोर गोहार महामाई  सुन ले मोर गोहार

यहो हे जगजननी ओ

हे जगजननी बुद्धि देदे  गावव मति अनुसार

सुन ले मोर गोहार महामाई  सुन ले मोर गोहार