तोला मोला सब ला जाना हे

जो आही वो जाही रे संगी

ये माया के बाजार मा

ये जग मा कोनो नई बाचे

यम राजा के मार मा

यम राजा के मार मा

तोला मोला सब ला जाना हे

तोला मोला सब ला जाना हे

फेर जाये के तो दस बहाना हे

फेर जाये के तो दस बहाना हे

कोनो हा बुढ़त काल मा जाथे

कोनो हा जाथे जवानी मा

कोनो हा खेलत कुदत जाथे

कोनो हा जाथे नादानी मा

ये जीवन के का ठीकाना हे

ये जीवन के का ठीकाना हे

फेर जाये के तो दस बहाना हे

कोनो हा पाप कर के जाथे

कोनो हा पुन्य कमा के गा

कोनो हा सब ला हंसा के जाथे

कोनो हा जाथे रोवां के गा

ये जीवरा ला एक दिन उड़ाना हे

ये जीवरा ला एक दिन उड़ाना हे

फेर जाये के तो दस बहाना हे

कोनो हा कट के कोनो लटक के

कोनो भटक के जाथे गा

जीयत जीयत दास कोसरिया

सच गोठ ला गोठियाथे गा

ये माटी मा सब ला पटाना हे

ये माटी मा सब ला पटाना हे

फेर जाये के तो दस बहाना हे

फेर जाये के तो दस बहाना हे